አንቺ የሌለሽ ጊዜ . . .

Standard

You ‘Good people’, when you are around me I will become an Iron man, I can climb the mountains, I feel that I will be able to dig the ground to its core. I have the confidence to do everything on earth. Other people assails are laughable for me, am fearless because of you. I don’t care for others misunderstanding as long as I make clear myself in front of you. With all the difference we have, if I read “I got you” in your eyes that will quench my thirst to say and to live the truth.   I am courageous enough to take any risky stand or task; I am a dreamer to make the future brighter and I took myself as a solution giver to big troubles.  I watched others running for less with a wonder how could they think and act like these? I was differing because of you.

I was ready to live by compromising my necessities as Che Guevara said “Money is an interesting luxury, but nothing more”. It wasn’t hard for me to swallow this   because I was well nourished by your generosity.  You were the language God communicated with me to be more good and responsible. Søren Kierkegaard said “Faith is humble enough to demand the right hand – for that this is humility I do not deny and shall never deny” and you were a proof of the existence of believable right hand. You were a tool God send to me to glimpse ‘the good thing’ in people even from the beast.

Now a big cloud is moving away from me and the overhead sun is melting me and my confidence. I became small and smaller. I am shivering because no one is here to protect me. I stand alone with a deep feeling of insecurity. You see; how much I became so selfish and self-centered, still talking about myself. Rather than expressing my best wishes and saying Bon voyage am talking about my loss. You have been the one who boost my chest with composure. Good bye my friend, I have been addicted to you. Now this is the right time to minimize the dose.

በሚዳሰስ ጽልመት ዙሪያዬ ታጠረ

ነገር ተሳከረ

. . . አንቺ የሌለሽ ጊዜ

መሆን ጉዱ ካሣ . . .

Standard

እምነት ፍልስፍና፣  የአስተዳደር ዘይቤ፣ ስርዓተ ማኀበር

ይሔኛው አርጅቷል  ይሔኛው ይሻሻል ብለን ስንናገር

ደስ ብሏት ሰምታ  ዐሳብ የምትሰጥ ዐሳብ የምትደምር

እናትና አባቷ ሰብለ ወንጌል ያሏት ከሌለች በመንደር

በዚህ የጉድ ማኀበር መሆን ጉዱ ካሣ አልበጀንምና

የበረታው ንዋም የአቤሜሌክ እንቅልፍ ይሰጠን በቁና

ጉዱ ካሣ ማነው?

ፍካሬ ቦርጭ

Standard

ይህ የምትመለከተው ከፊት የተከመረው
በልብስ ያልሸሸግኹት ለአይን የከበደው

የመጣ ከመብላት የላመ የጣመ  
ምቾትና ድሎት አብዝቶ ያጣጣመ
ጮማ የሰለቀጠ በርገር የጎመደ
በትንቡኬ ምንጣፍ የተረማመደ፤

አሊያም  . . .

ከሐረር፣ ከሜታ ከዳሽን ተራራ 
ከብዙ ጠርሙሶች የተቀዳ ቢራ
በመሸታ ቤት ጀብድ  በእልፍ  ጭለጣ
ከተደበቀበት አያ ቦርጭ  የመጣ

አይመሰለህ ወዳጅ፣ አይምሰልህ ወገን
ብስጭት ቀለቤ  አስቤዛዬ ሐዘን 
አንጀቴ ሲቆስል ቆሽቴ እያረረ
ይሄ ሁሉ እሮሮ  ቀፈትን ፈጠረ።

እንዲህ ገዝፎ ወጥቶ በገሐድ የታየው
ሐዘንና ንዴት ሆዴን ገፍተውት ነው
በቀቢፀ ተስፋ ስዳክር እንደኖርኩ
የሚያትት ‘ሚያዘክር ህያው ምስክር ነው።

ጠዋትማታ ምለፋው ትጋትን አብዝቼ
ጂም ምመላለሰው  ሰዓታት ሰውቼ
ብሶት በወጠረው በእልፍኙ ሆዴ
‘ኦና ቤት ተገኘ እንግባበት  እንዴ?’

የብስጭት ነገድ ብለው ተጠራርተው
ጥላቻ ቂም በቀል ተዳብለው መሽገው
እኔን ማንነቴን ከሥሩ መንግለው
እንዳይሸረሽሩት፣ እንዳያፈርሱት ነው!

ትምህርት ከካምቦሎጆ

Standard

የእሁዱ ጨዋታ ከስፖርታዊ ወድድርነቱ ባሻገር ሌሎች ሀገራዊ ፋይዳዎችን ማስተዋል የምንችልበት አጋጣሚ እንዲሆን እመኛለው፡፡ “ኢትዮጵያ፣ ኢትዮጵያዊነት፣ ኢትዮጵያዊ የሚባል ነገር አልስማ፣ አታንሱብኝ” ለሚሉ ወገኖቻችን ከምን ጋር እየተላተሙ እንደሆነ እንዲረዱት ዕድል የሚሰጥ ይመስለኛል፡፡ ይህ ትእይንት ኢትዮጵያዊነት ከሀሳባዊነት አንድ እርከን በመራመድ ገዘፍ ነስቶ የሚጨበጥ የሚሆነበት ነው፡፡ በታሪክ አጋጣሚ የህዝቡ ለነጻነት፣ ለእኩልነትና ወንድማማችነት የሚያስተባብረው እጥቶ በቀቢጸ ተስፋ ወስጥ ቢዳክርም እንደነበልባል የሚንቦገቦግ ሀገራዊ ፍቅር ታምቆ እንዳለ የሚያሳይ ነው፡፡ ይህች ሀገር እንዲሁ በተራ ስሜት የተነዱ ሰዎች የሚወዷት ሳትሆን በምድር ህልው(existential) ከመሆናችን ጋር በጠንካራ ሰንሰለት የተቆራኘች የታሪካችን ጉልህ ክፍል መሆኗን የምንረዳበት ነው፡፡ ሰው የማንነቱ እስረኛ ነው፡፡ ሀዘንና ደስታው ስኬቱና ውድቀቱ የኔ ከሚለው ነገር ጋር አብሮ የሚነሳና የሚወድቅ ነው፡፡ ለዚህም ነው በስፓርታዊ ወድድር እንኳን በትልቅ የስሜት ትኩሳትና እንባ የሚታጀበው፡፡እሁድ የሚጫወተው የኢትዮጵያ ብሔራዊ ቡድን ሳይሆን ኢትዮጵያ የተባለች ሀገር ናት፡፡ በስፓርት የሚገኘው ድል ሌሎች ችግሮች የሚያልፉና የሚሸነፉ መሆኑን የሚያይበት ነው፡፡

 Image

 በመቀጠል በዚህ እለት ትምህርት ማግኘት የሚገባቸው አካላት ኢትዮጵያ ሲባል የእነርሱ ብቻ ቀለም፣ የእነርሱ ብቻ ትርክት ያላት አድርገው የሚያሰቡ ሰዎች ናቸው፡፡ ከጨዋታው ዋና ተዋናዮች(የቡድኑ ተጫዋቾችና አሰልጣኞች) ጀምሮ በተዋረድ ከጨዋታው በፊትና በኋላ ያላቸውን እንቅስቃሴና ማንነት ለሚያስተውል ኢትዮጵያ ከእርሱ መንደር፣ ከእርሱ አስተሳሰብ፣ ከእርሱ ብሔርና ሀይማኖት የተለየች፤ የተወሰነ ቀለሟ ከእርሱ ነገር ግን ሌሎች ማንነቶችንም አካታ የያዘች ዥንጉርጉርና ውብ ቀለም ያላት መሆኗን ማስተዋል ይገባዋል፡፡ይህ ልዮነት የውበታችንና የጥንካሬያችን መለያ መሆኑን በመረዳት እያንዳንዱን የቀን ውሎውን (ቀልድና ጨዋታው ሳይቀር) የህዝቦች በእኩልነት አብሮ መኖርን፣ ወንድማማችነት ከመንከባከብና ይህንንም ከማሳደግ አንጻር መግራት ይገባዋል፡፡

 ሌላው ትምህርት ማግኘት የሚገባው አካል ገዢው ፓርቲ ነው፡፡ የገዢው ፓርቲ ስለ ስፖርታዊ ውድድሮች ያለው አመለካከት ከቀድሞው ጠቅላይ ሚኒስቴር መለስ ዜናዊ “ ስፖርት ከሌላው ልማት እኩል የምናከናውነው ተግባር ነው” ከሚለው ንግግር የሚቀዳ ነው፡፡ ይህ ቧልት በአደባባይ በተሰቀሉ ትልልቅ ታፔላዎች ላይ እስከመጻፍ ደርሷል፡፡ ይህ መፈክር የያዘው ዐሳብ መንግስት ግድብና መንገድ እንደሚሰራው  ስፖርት ማሰልጠኛና ስፖርት ማዘውተሪያ በመስራት ፌደሬሽኖችን በማዋቀር ቢያቆም መልካም ነበር፡፡ ነገር ግን ይህ ፓርቲው ምርጫ 97 ተከትሎ ከሄደበት አማራጭ ዐሳቦችን የማፈን ሂደት ጋር መሳ ለመሳ የሚታይ ነው፡፡ ስፖርቱ ይህ የልማታ መንፈስ ከፍተኛ ተጽእኖ ካደረሰበት የስነ ጥበብ ዘርፍ የተለየ እጣ ፈንታ የለውም፡፡ ተሰጥኦና ዝንባሌው ያላቸው ታዳጊዎች የሚሳተፉበት የስፖርት ምህዳር ነጻነት ከሌለው የልጆቹ ጥረት ከንቱ ነው የሚሆነው፤ በከረጢት ተሞልቶ እንደሚሸጥ ቡና ለውጭ ሀገር ንግድ መታሰባቸውም ከሰው ልጅ መሰረታዊ ፀባይ አንጻር ከታሰበ የሚስብና ጤናማ ምልከታ አይደለም፡፡ በእግር ኳሱም ሆነ በሌሎች ፌደሬሽኖች ያለው የብዙ ወጣቶች እሮሮም ከዚህ የመነጨ ነው፡፡ በብቁ ባለሙያዎች የሚመሩ ፌዴሬሽኖች ካሉን፣ ሁሉም ስፖርተኛ ተሰጥኦውን በነጻነት የሚያዳብርበትና ይህንን የሚፈትንበት መድረክ ከተዘጋጀ ከታሰበው በላይ ቁሳዊና መንፈሳዊ(በብር የማይተመኑ፣ በግለሰብና በማኀበረሰብ ደረጃ ያሉ የመንፈስ እርካታዎች) ውጤቶች ማግኘት ይቻላል፡፡ በአጋጣሚ የተገኘ ስኬትም ሆነ ውድቀት አጠቃላይ እወነታውን ሊቀይሩት አይቀይረውም፡፡ መጪው ሳምንት ጨዋታውን አሸንፈን በድል መንፈስ የሌሎች ተያያዥ ጉዳዮችን ቀሪ ሒሳብ የምናወራርድበት ይሁን፡፡

 መልካም ጨዋታ

A bit on public discourse

Standard

In my opinion public discourse doesn’t have a well organized format like academic curriculum. It is natural and goes in parallel with the usual life style.  Issues come and go, the concerned and the brave one make a point, and then it will put its mark on our attitude towards it and other related issues.  Some of us will be irritated when we think something which doesn’t matter much cover the cyber space. I don’t think this is a healthy response. If you assume there is a misunderstanding, low graded discussion or suppression of truth, it is your task to be a voice for it. Read references, quote the quotable, upgrade the agenda to the level you think it must be perceived. Or if you feel that the issue doesn’t deserve a single word keep quiet, your silence will have a meaningful impact on the dialogue if you are part of the baking of opinions.

 

Image

The other confusion came from misunderstanding the concept related to the famous quote of Eleanor Roosevelt “Great minds discuss ideas; average minds discuss events; small minds discuss people.” In my view ideas doesn’t came to the air by themselves they have their own sources. Many schools of thoughts are named after someone who has contributed lots of ideas related to the subject. Even though Plato himself is not platonic, most of the ideas are fetched from his works and life. The speculation will be escalated when we have little options to grasp the fact. For example when political parties became so secretive like #EPRDF reading an ordinary propagandist & taking his words seriously is unavoidable.

ናፍቆት #EskinderNega

Standard

በሰሜን አሜሪካ የሚገኙ ኢትዮጵያውያን ጋዜጠኛው እስክንድር ነጋ የታሰረበትን ሁለተኛ ዓመት በሻማ ማብራት ለመዘከር ተዘጋጅተዋል፡፡ በዕለቱ ሌሎች ጋዜጠኞች እና የፖለቲካ እስረኞቹም አንድ ላይ እንደሚታሰቡ ከዝግጅቱ ፖስተር ለመረዳት ችያለው፡፡ ሙሉ መርሐ ግብሩን ‘ናፍቆት’ ብለው ሰይመውታል:: እጅግ ደስ የሚሰኝ ስያሜ ነው፡፡ ነፍቆት የእስክንድር ነጋ ብቸኛ ልጅ ስያሜ ነው፡፡ ናፍቆት የተወለደው ቃሊቲ እስር ቤት ነው፡፡ የ1997 ዓ.ም. ምርጫ ተከትሎ መንግስት በወሰደው የማናለብኝነት እርምጃ የቅንጅት መሪዎችና ጋዜጠኞች እንዲሁም የሲቪክ ማኀበራት ሐላፊዎች ለእስር መዳረጋቸው አይዘነጋም፡፡ ይህ ክፉ እጣ ከደረሳቸው ውስጥ በወቅቱ ነፍሰ ጡር የነበረችው አለምአቀፍ የሴት ጋዜጠኞች ሽልማት አሸናፊዋ የእስክንድር ባለቤት ሰርካለም ፋሲል ትገኛለች፡፡

 988231_10201859483829200_488747458_nበቅርቡ እስክንድርን ቃሊቲ ከፍርግርጉ ጀርባ ሆኖ ስለ ናፍቆት ሲናገር አድምጬዋለው፡፡ እስክንድር እንደሚለው ናፍቆት የኢትዮጵያ ህዝብ ልጅ እንጂ የእርሱ ልጅ አይደለም፡፡ በወቅቱ የነበረውን ሁኔታ በብሩህ ፈገግታ ያስታውሳል፡፡  በዚያን ወቅት በወህኒ ቤቱ የነበረው አሁንም ብዙ ያልተሻሻለው የእስረኞች አያያዝ ለአንዲት ነፍሰ ጡር ምን ያህል ከባድ እንደሆነ ለመገመት አያስቸግርም፡፡ የህጻን ናፍቆት መምጣት በእንቅርት ላይ ጆሮ ደግፍ እንዲሉ የነበረውን ሁኔታ አባባሰው፡፡ ብዙ እስረኞችን ከፍ ያለ ልባዊ ሐዘን ውስጥ የከተተ ትእይንት ነበር፡፡ ሁሉም ሰው ናፍቆት እንደራሱ ልጅ እንደሚያየው በመመልከቱ ነው እስክንድር ናፍቆት የኔ ልጅ አይደለም የኢትዮጵያ ህዝብ ልጅ ነው እያለ የሚናገረው፡፡ የኢትዮጵያ ህዝብ የዴሞክራሲ፣ የሰላም፣ የነጻነት ናፍቆት አለበት፡፡ ተማሪው ሀገራዊ ተስፋውን እያሰበ የሚማርባት፣ ሰራተኛው ለግላዊና ሀገራዊ አበርክቶ የሚደክምባት፣ ፍትሕዊ ስርዓት የነገሰባት፣ ጤናማ ግብይት ስልቶች የተተገበሩባት ኢትዮጵያን ይናፍቃል፡፡ ናፍቆት ውስጥ ጥላቻ የለም፤ ናፍቆት ህዝብን በህዝብ ላይ አያስነሳም፤ ናፍቆት መጓጓት ነው፤ ናፍቆት ጥሩ ሰብዓዊ መብት አያያዝ ና ፍትሕ ማኀበራዊን አጥብቆ መሻት ነው፡፡ ናፍቆት የፍቅር ስብከት ነው፤ ናፍቆት የነጻነት፣ የእኩልነት እና የወንድማማችነት ድምጽ ነው፡፡ ናፍቆት ውስጥ ግነት የለም፤ እዚህ ላይ በዕለቱ ከሚዘከሩት ውስጥ አንደኛው የሆነውን የበቀለ ገርባን ንግግር ማንሳት ተገቢ ነው፡፡ በቀለ ገርባ ለፍርድ ቤት ቅጣት ማቅለያ ጽሑፍ እንዲያቀርብ ሲጠየቅ የተናገረው ናፍቆቱን አሳስተው እንዳይተረጉሙበት ነው፡፡በኦሮሞ ሕዝብ ላይ የሚደርሰውን ግፍና መከራ እንዲያቆም የመናፈቅና ለሕዝቦች አብሮ መኖርና ወንድማማችነትን ማሰብ ነው እርሱ ናፍቆት፡፡

 “እስካሁን ባደረኩት ትግል ውስጥ ይቅርታ መጠየቅ ቢያስፈልገኝ በሁለት ነገሮች ብቻ ነው። አንደኛ በኦሮሞ ሕዝብ ላይ የሚደርሰውን ግፍና መከራ እንደሚገባ ሳልገልጽ ቀርቼ ከሆነና ይህንንም ያደረኩት ለሕዝቦች አብሮ መኖር ከማሰብና ከወንድማማችነት ላነሰ ተግባር ከሆነ የኦሮሞ ሕዝብ ይቅር እንዲለኝ እጠይቃለሁ። ሁለተኛ የኦሮሞን ሕዝብ በደል ከሚገባው በላይ አጋንኜ ከሆነና ይህንንም ያደረኩት ለግል ጥቅምና ዝና ከሆነ እግዚአብሔርን ይቅር እንዲለኝ እለምነዋለሁ። ሳላጠፋ የሚፈርድብኝ ፍርድ ቤት አዝኖ ቅጣት ያቀልልኛል ብዬ ስለማላምን ማቅለያ ለመጠየቅ ባለመቻሌ አዝናለሁ።”

ኦቦ በቀለ ዛሬም ወደ ዝዋይ ወህኒ ወርዶ ለሚያናግረው የሰላም፣ የፍትህና የዴሞክራሲ ናፍቆቱን ያጋራል፡፡ በጋንዲና በማርቲን ሉተር መንገድ ረጅም ጉዞ አድርጓል፤ በያዝነው አመት በጥምቀት ማግስት የእስራት ጊዜውን ይጨርሳል፤ ምንአልባትም ለሰላማዊው ትግል ትልቅ ምልክት ይሆናል ብዬ ተስፋ አደርጋለው፡፡ እርሱም ቤተሰቡንም ሆነ ነጻነትን እኩል ናፍቋል፡፡

በአባቱ መታሰር ምክንያት እድገቱ እንዳይታወክ ናፍቆት ዛሬ አሜሪካን ሀገር ከእናቱ ጋር ይገኛል፡፡ አባት እስክንድር  ዛሬ ልጁ ናፍቆትን የበለጠ ናፍቋል፡፡ ልጅም እንዲሁ  የጠፋውን አባቱን (The absent father) መናፈቁ ወዴት ይቀርለታል፡፡ ብቸኛ መገናኛ መንገዳቸው ዐደዬ ናቸው፤ ዐደይ የሰርካለም እናት፡፡ ዐደዬ ቃሊቲ ሲሄዱ እስክንድርን፣ በስልክ ደግሞ ናፍቆትን ያገኙታል፡፡ የአባትን መልዕክት ለልጅ፣ የልጅን ደግሞ ወደ አባት ያደርሳሉ፡፡ ናፍቆት ወደአሜሪካ የሄደ ሰሞን በዐደዬ በኩል ያሰተላለፈው መልዕክት “እስክንደርን ‘አልወድህም’ በይልኝ እርሱ ነው ይዘሽው ሂጅ ያለው” የሚል ነበር፡፡የእስክንድር ናፍቆት ልጁ ጋር አያቆም፤ ናፍቆት ተምሳሌት (metaphor) ነው፡፡ ለዚህም ነው ወጥቶ እንደቀረ አባት ከሚወደው ልጁ የተለየው፡፡ የበለጠውን ወዶ፤ የበለጠውን ናፍቆ፡፡ ትመጪ እንደው . . .

#ቅብጦክራሲ #Egyptocracy

Standard

ግብጻውያን እ.ኤ.አ በ2011 ዓ.ም. አዲስ የአብዮት አይነት (በዋኤል ጎኔም አገላለጽ Revolution 2.0) ለዓለም አስተዋውቀዋል፡፡ የሁላችንም የቅርብ ጊዜ ትዝታ ነው፡፡እኛ እዚህ አንዴ ብርትኳናማው፣ አንዴ አረንጓዴው ሌላ ጊዜ ደግሞ ቡራቡሬው አብዮት ማለት የጀመርነው ከስምንት ዓመት በፊት ነበር፡፡ የአሜሪካን የእርስ በርስ ጦርነት ጨምሮ በምዕራብ አውሮጳ የተካሄዱ አብዮቶችም በስፋት መጠቀሳቸው የሚዘነጋ አይደለም፡፡ እነርሱ ግን ከፊት ሆኖ መስዋዕትነት የሚቀበል፣ ጫካ ገብቶ የሚተኩስ ሳያስፈልጋቸው የሙባረክን መንግስት አውርደዋል፡፡ ‘ሙስሊም ወንድማማቾች’ና ሌሎች ፓርቲዎችም ነበሩ፡፡ የፓርቲ መልክ ያልነበራቸው የሲቪክ ማኀበራት የሙባረክ መንግስት የፈቀደላቸውን ያህል ይንቀሳቀሱ ነበር፡፡ አብዮቱን ከጎን ሆነው ከማጀብ የዘለለ ሌላ ድርሻ አልነበራቸውም፡፡ እንደሙሐመድ አልባራዳይ ያሉ ስመጥር ፖለቲከኞችም ነበሩ፤ እነርሱም ከአብዮቱ ቀድመው ‘መሲሕ’ አለመሆናቸውን ግልጽ አድርገዋል፡፡ ህዝቡም እነርሱን መጠበቁን በመተው እጅ ለእጅ በመያያዝ አለምን ያስደመመ እጅግ አዋጭ አብዮት ሰርቷል፡፡ የከፈሉት የነፍስ፣ የገንዘብ፣ የጊዜ፣ . . . ሌላም ሌላም ክፍያዎች እንዲሁ የባከኑ አልነበሩም፡፡ ለተገቢ ነጻነትና ለሰብዓዊ ክብር የዋሉ እንጂ፡፡

የሙባረክ መንግስት ከተወገደ በኋላም የግብጽ እጣ ፈንታ በአስቸጋሪ ሁኔታ ወስጥ ነበር፡፡ ብዙዎች በሌሎች ሀገሮች እንደተከሰተው ወታደሩ  ስልጣን ይዞ አልለቅም ይላል የሚል ስጋት ነበራቸው፤ ያ ግን አልሆነም፡፡ በምዕራባውያን ቀመር ጥሩ ሊባል የሚችል ሂደትን አልፎ ‘ሙስሊም ወንድማማቾች’ ስልጣኑን የግሉ አደረገ፡፡ ምዕራባውያን ዐሳባቸው አንድ ነው፡፡ ነጻና ፍትሐዊ ምርጫ ከተካሄደ፣  የሲቪል ማኀበረሰብ አካላትና ሚዲያዎች እንዲንቀሳቀሱ ከተፈቀደ ቢዘገይም ዴሞክራሲ በሂደት ይመጣል ባይ ናቸው፤ ቀስ በቀስ እንቁላል በእግሯ ትሄዳለች በሚል እሳቤ፡፡ በዚህ ቀመር ካሰላነው የሙርሲ መንግስት ቢያንስ ለአንድ የስልጣን ዘመን ተቀባይነት ያለውና ህጋዊ (legitimate) ነው፡፡

ይህ ግን ግብጻውያንን አልጣማቸውም፡፡ እነርሱ እቴ . . . በቅብጦክራሲ እንጂ በዴሞክራሲ መች ያምናሉና፡፡ ‎#Tamarod ብለው ወደ ታህሪር ግልብጥ፡፡ ታማሮድ በአረብኛ አምጽ(rebel) ማለት ነው፡፡ አመጽ ከሚለው አማርኛችን ይልቅ አብዮት የበለጠ የሚስማማውም ይመስለኛል፡፡ አበየ፣ የአቢ ይእበይ እንቢ ማለት፣ አበያ እንቢተኛ መኾን፣ መጓደድ የሰጡትን ያዘዙትን የለመኑትን አለመቀበል፣ አለመስማት፣ አለማድረግ ፣ እሺ በጎ ይኹን ይደረግ አለማለት እንዲል ኪዳነ ወልድ ክፍሌ መዝገበ ቃላት… እንዲሉ፡፡ አሁን ታህሪር ናቸው፡፡ ተቃዋሚም አልጠፋ፡፡ የሙርሲን ፎቶ ያነገቡ ሰልፈኞችን በሲኤንኤንም ሆነ በአልጀዚራ ተመልክተናል፡፡ ስለዴሞክራሲ እንደሚጮኹም ተናግረዋል፡፡ እውነታቸውን ነው ዴሞክራሲ ተጨማሪ ቀናት፣ ወራትና አመታትን ለሙርሲና ፓርቲያቸው ይሰጣል፡፡ ግብጦክራሲ ግን ከዚህ ይለያል፡፡ ከተጻፈ ህግ ይልቅ በመላው ግብጻውያን ተሳትፎ የሚወሰን ነገርን ያስቀድማል፡፡ የግብጽ ህዝብ ሙርሲ ከስልጣን ይወርድ ዘንድ ፈልጓል፤ ወስኗል፤ ይህንንም ወደአደባባይ በመውጣት ግልጽ አድረጓል፡፡

 

ይህ ዴሞክራሲያዊ ሂደት አይደለም፡፡ ነገር ግን ቅብጦክራሲያዊ ክስተት ነው፡፡ ቅብጦክራሲ ተሰርቶ ያለቀ አይመስልም፤ መገኛው ግብጽንም ወዴት እንደሚወስዳት አይታወቅም፡፡ በጉልህ የሚታዩ ተስፋዎች ግን አሉት፡፡ የሀገሪቱ ዕድል ፈንታ የሚወሰነው በእያንዳንዱ ግብጻዊ ተሳትፎ ነው፡፡ ከምዕራባውያን የሚዋሰው ባዕድ ንድፈ ሐሳብም የለም፡፡ በማካቬሊያዊ መተጣጠፍ ስልጣንን ማስቀጠል የሚቻልበት ሁኔታም የተሟጠጠ ይመስላል፡፡ ከጥንቱ የግሪክና ሮማ የቀጥታ ዴሞክራሲ ጋር የሚያመሳስለውም የሚለየውም ነገር አለው፤ እያንዳንዱ ዜጋ ያለውክልና መጻዒ ጊዜውን የሚወስንበት መሆኑ የሚመሳሰሉበት ሲሆን፣ በጥንታዊት ግሪክ የነበረው የቀጥታ ዴሞክራሲ ባርያ መኳንንትና መሳፍንት ብሎ ዜጎችን በእርከን በመከፋፈል የሚያበላልጥ ነው፤ የግብጻውያን ከዚህ እንደሚለይ ለማየት ወደ ታህሪር በመንፈስ መጓዝ ብቻ በቂ ነው፡፡ ትልቁ መሳሪያቸው ድምጻቸው ነው፤ ኀይሉ ግን ከመድፍ ይበረታል፤ አንድም ሰው ተኩሶ አይገልም፡፡ ሌላው ትጥቅ ደግሞ ባንዲራ ነው፡፡ ሁሉን ግብጻውያንን በአንድ የሚያሰተሳስር፡፡ ከሊቅ እስከ ደቂቅ የሚያውለበልበው፤ ሴትና ወንድ፣ አዋቂና ህጻን፣ ያለተማረና ምሁር፣ ሙስሊምና ክርስቲያን በህብረት የሚለብሰው፡፡ ዋኤል ጎኔም በትዊተር በተናገረው ልጨርስ  ‘በግብጽ ክህደት የሚፈስ ወንዝ አይደለም’ እንገድበዋለን ማለት ይመስላል፡፡ እኛ ወንዝ ለመገደብ የባንዲራ ፕሮጀክት ቀርጸን ‘ርብርብ’ ላይ ነን፡፡ እነርሱ ግን ሌላ የከበረ አጀንዳን አስቀድመዋል፡፡